കിളി

പറക്കുന്നതിനിടയില്‍
ആകാശത്തു നിന്നും താഴെപോകും
എന്ന ഭയം കൊണ്ട്
ഒരു കിളി എന്താണു ഹെല്‍മെറ്റോ പാരച്യൂട്ടോ
കരുതാത്തതെന്ന്
ഞാനെപ്പോഴും ആലോചിക്കാറുണ്ട്.

ആകാശത്തുകൂടി
അതിനെ താങ്ങുന്ന കൈ
അതെത്ര മനോഹരമായി വെളിപ്പെടുത്തുന്നു.

ഒരു തേരട്ടയുടെ
നൂറുകാല്‍ നടത്തത്തെ തകരാറിലാക്കാന്‍
അതെങ്ങിനെ സാധ്യമാവും
എന്ന സംശയം മതി
എന്നു കെസ്ലര്‍ പണ്ടേ പറഞ്ഞിട്ടുണ്ടല്ലോ-
ആര്‍തര്‍ കെസ്ലര്‍, ഒരു ജൂതന്‍.