മീന്‍കൂട്ടിലെ മനുഷ്യര്‍

തീരില്ലെന്നു കരുതിയിട്ടും

തീര്‍ന്നു പോവുന്ന ദിനങ്ങള്‍

അവയില്‍ മീന്‍കൂട്ടിലെന്ന പോലെ

നീന്തിക്കളിക്കുന്ന മനുഷ്യര്‍

ആരും ജയിക്കില്ലെന്നു പറഞ്ഞിട്ടും

നിര്‍ത്താതെ പോകുന്ന മത്സരങ്ങള്‍

നിരര്‍ത്ഥകമായ ഈ പ്രതിഭാസങ്ങള്‍

ആകെയുള്ള ചാക്രിക ഭ്രമണങ്ങള്‍

ആടുന്ന നിലാവും ചലിക്കാതെ 

കണ്ടു നില്‍ക്കുന്ന ചന്ദ്രനും

നക്ഷത്രങ്ങള്‍ തമ്മില്‍ ചേര്‍ന്ന്

പരസ്പരം കൈകോര്‍ക്കുന്ന ആകാശം

നാളെയെഴുതേണ്ടത് 

ഇന്നേ എഴുതിപ്പോകുന്നവര്‍ക്കുള്ള ഗതി.