അസംസ്കൃത സ്റേറാപ്പ്

സംസ്കൃത സ്റേറാപ്പില്‍

വണ്ടി നിര്‍ത്തിയപ്പോള്‍

അസംസ്കൃതര്‍ മാത്രം

വണ്ടിയിലവശേഷിച്ചു

രണ്ട് അസംസ്കൃതര്‍ തമ്മില്‍

നടക്കേണ്ട സംവാദത്തില്‍

ഒരു നിര വഴിയിലൂടെ നടന്നു നീങ്ങുന്നു.

സൗന്ദര്യം ലഹരിയാക്കുവാന്‍

വേണ്ട പരിഷ്കാരം ഇല്ലാത്തവര്‍

അസുന്ദരര്‍ എന്നവരെ വിളിക്കണോ?

നടന്നുപോവുന്നവര്‍ ഊണിനെക്കുറിച്ചും

വൈകുന്നേരത്തെ കാലിനെക്കുറിച്ചും

കൂലിയെക്കുറിച്ചും ആലോചിക്കുകയായിരുന്നു

സംസ്കൃതരുടെ അധിക പരിഷ്കാരത്തെക്കുറിച്ചും

സംശയമുള്ളവരായിരുന്നതിനാല്‍ ചിലര്‍

അപരിഷ്കൃതരായി അവശേഷിക്കാന്‍ തീരുമാനിച്ചു.