DATES

Recently my palmist
Adviced me to have more dates
Since i am rich in vices
I took to his ads(advices)
And has planted
A date palm
In my yard.

But my neighbour thinks that dates are Arab
And come with thousand and one nights.
When the dates are ripe
Perhaps the time will come
For palm-wine drinkards
To rejoice and stretch themselves under the moon.

ചിത്രകലയിൽ രേഖകൾക്കുള്ള പങ്ക്

കയ്യിലെ ഒരു രേഖ
നഷ്ടപ്പെട്ടു പോയത് കണ്ടെടുക്കുവാനുള്ള
ശ്രമത്തിലായിരുന്നു അയാൾ.
"ഒരു പാട് കാലം മരവിപ്പ്  ബാധിച്ചു
കൈ മടക്കാനാവാതെ വന്നത് മൂലമാവാം
അത് മാഞ്ഞു പോയത് "
രമണി പറഞ്ഞു .

"കൈമടക്കിന്റെ കാര്യം പോകട്ടെ,
ചില കാലങ്ങളങ്ങിനെയാണ്
നടുവിരൽ മടക്കാനേ തോന്നുകയില്ല."
അയാൾ മറുപടി പറഞ്ഞു.

"കൈയിൽ നിന്ന് പോയതാണെങ്കിലും
ഞാനതു എമ്പാടും തിരഞ്ഞിട്ടുണ്ട്
കുന്തമല്ലാത്തതു കൊണ്ട്
കുടത്തിൽ തപ്പിയില്ല എന്നേയുള്ളു.
പാസ്പോർട്ടോ വിസായോ ഇല്ലാത്തവനാണെങ്കിലും
ഫേസ്ബുക്കിൽ
ഏഴു ലോകങ്ങളും തിരയാതിരുന്നതുമില്ല. "

"ഏതു രേഖയാണ് നഷ്ടപ്പെട്ടത്?
ആയുസ്സിന്റെതോ പഠിപ്പിന്റെതോ
ആരോഗ്യ കാര്യങ്ങളുടേതോ?
രേഖാശാസ്ത്ര രത്‌നാകരം വായിച്ചു നോക്കിയിട്ടില്ലേ ?"

"രത്‌നാകരനെ നേരിട്ടറിയില്ല,
രേഖയെക്കുറിച്ചു കേട്ടുകേൾവിയുണ്ട്‌.
ഹിന്ദി സിനിമാനടി ആയിരുന്നല്ലോ?"

"നമ്മൾ വീണ്ടും പ്രധാന വിഷയത്തിൽ നിന്ന് മാറിപ്പോകുന്നു-
ചിത്രകലയിൽ രേഖകൾക്കുള്ള
പങ്കിനെക്കുറിച്ചു നിങ്ങൾക്കെന്തു തോന്നുന്നു?"

"ഇംഗ്ലീഷിൽ ലൈൻ എന്ന് പറയുന്ന കാര്യം തന്നെയല്ലേ
രേഖ എന്നതുകൊണ്ട് അർത്ഥമാക്കുന്നത്-
അത് സംബന്ധിച്ച രേഖകളൊന്നും ലഭ്യമല്ല തന്നെ!
(തന്നെയായി പോയതിൽ അതിശയിക്കാനൊന്നും ഇല്ല.)"

"ഒരു വരയ്ക്കെന്തു അർത്ഥമാണുള്ളത്?
അനർത്ഥങ്ങളൊന്നും  ഉണ്ടാവാനില്ലതാനും."

"കുഴപ്പത്തിനെന്താ കുഴപ്പം എന്നല്ലേ
ദൈവവും പറഞ്ഞിട്ടുള്ളു?
ഒരു രേഖയിൽ എന്ത് കുഴപ്പമാണുള്ളത്?"

ക്രിമിനല്‍ പശ്ചാത്തലമുള്ള ആ കോഴി

അയലത്തെ പുരയിടത്തില്‍ നില്‍ക്കുന്ന
ക്രമിനല്‍ പശ്ചാത്തലമുള്ള ആ കോഴിയെക്കുറിച്ചായിരുന്നു
അയാളുടെ ഉത്കണ്ഠ മുഴുവന്‍.
കാലങ്ങളായി അവള്‍ പറമ്പിലെ പുഴുക്കള്‍, ചെറുകീടങ്ങള്‍,
മണ്ണിരകള്‍ എന്നു വേണ്ട ഏതിനേയും കടന്നാക്രമിക്കുന്ന പ്രകൃതക്കാരിയാണ്
പരീക്ഷണാര്‍ത്ഥം നല്‍കിയ പൊരിച്ച കോഴിയും പശുവിറച്ചിയുമടക്കം
ഒന്നിനോടും അവള്‍ കമാന്നൊരക്ഷരം
(അക്ഷരമാലയില്‍ എവിടെയാണതിന്‍റെ സ്ഥാനം?)
എതിരു പറഞ്ഞില്ല എന്നോര്‍ക്കണം.
കാനിബലിസം എന്നു പോലും തോന്നിക്കും മട്ടിലാണ്
അവളുടെ നിഷ്കളങ്കത.

ഒരു മണ്ണിരയെകൊത്തി തിന്നുന്നതിനിടയില്‍
ശാകാഹാരി ഭോജിനെക്കുറിച്ചു ടെലിവിഷനില്‍ വന്ന
പ്രോഗ്രാം അവള്‍ ശ്രദ്ധിച്ചതേയില്ല.
ജോണ്‍ ഹാര്‍ട്ഫീല്‍ഡിനും മുന്‍പേ കോഴി
ഹിറ്റ്ലറുടെ ഭക്ഷണശീലം മനസ്സിലാക്കിയിട്ടുണ്ടാവാം.

രണ്ടു വീടുകള്‍ക്കിടയില്‍ കെട്ടിപ്പൊക്കിയിട്ടുള്ള മതിലും
അവള്‍ വേണ്ടത്ര ശ്രദ്ധിച്ചിട്ടുള്ളതായി കാണുന്നില്ല
സൈനിക മേധാവികള്‍ തമ്മിലുള്ള
ചര്‍ച്ചകള്‍ തീരും വരെ മെനക്കെടാതെ
ആ അതിര്‍ത്തിപ്രശ്നത്തെ അവള്‍ മറികടന്നു പോയി
നാടോടികളാണ് അവളെ കൊന്നു തിന്നതെന്നു  പ്രചരണമുണ്ട്
അവരെ നിത്യവും കൊല്ലുന്ന ആ സംസാരത്തിനിടയിലും

കോഴികള്‍ ചിക്കിപ്പെറുക്കി നടപ്പുണ്ട്

നാടോടികളും.