അയയില്‍ തൂങ്ങിയ വസ്ത്രങ്ങള്‍

 

ഡബിള്‍ കോട്ടു മെത്തവിരിപ്പ് ഉണങ്ങിയിട്ടുണ്ട്

ജീന്‍സിനല്പം നനവു കൂടിയുണ്ട്

അടിപ്പാവാടകളും അപ്പടി തന്നെ.

അരയിലോ ഉടലിലോ ഒക്കെ വഴികള്‍ പിന്നേയുമുണ്ട

കനത്തവെയിലായതു കൊണ്ട്

 അതിവേഗം ഉണങ്ങിക്കിട്ടും.

അടിവസ്ത്രങ്ങളില്‍ ചിലതൊക്കെ തണലില്‍

കിടന്ന് ഉണങ്ങുന്നു

ചെറിയതണലില്‍ ആണെങ്കിലും

ഈ ഉണക്കില്‍ എടുത്താല്‍ മതി.

തുണികള്‍ അയയില്‍ തൂങ്ങുംപോലെ

തുമ്പികള്‍  അവയെ ചുറ്റി പാറി നടന്നോളും

മനുഷ്യര്‍ക്കു തൂങ്ങാന്‍ ഫാനുകളോ ഊഞ്ഞാലുകളോ

സമാനതകള്‍ അത്രയ്ക്കൊക്കെ കൊണ്ടു നിര്‍ത്തിയേക്കാം.

മരച്ചില്ലകളോ ഒക്കെയുണ്ട്.