പള്ളി

ഉള്ളില്‍ പള്ളികൊള്ളും ദൈവമുള്ളുടലിന്
പുറത്തുവെച്ച പള്ളികൊണ്ടെന്തു
പ്രയോജനം?
വേണമെങ്കില്‍ അവിടോരു നിസ്കാര/ സല്‍ക്കാര
പായവിരിക്കാം
സ്നേഹത്തില്‍
ഒത്തുചേര്‍ന്നു നില്ക്കാം ഇരിക്കാം ഉറങ്ങാം
ഉരുളാം,
ഉണരാം, അല്ലാതെന്താ?
പഠിപ്പും രീതിശാസ്ത്രവും
പള്ളിക്കൂടവും കൊണ്ട്
ഉള്ളിലുള്ളോരരുളിനെ,യന്‍പിനെ
മായ്ക്കാത്തോര്‍ക്കുള്ളതാണേതു പള്ളിയും
കുരിശുമലയിലും അമ്പലത്തിലെ വിഗ്രഹോം
മെതിയടീമെങ്കില്
കൊടിമരോം കുരിശടീമെങ്കില്‍
അവിടെയാരു പള്ളികൊള്ളും?
സാത്താനതിഷ്ട വിഗ്രഹം
നിങ്ങള്‍ക്കോ?