പാറമേല്‍ പണിത വീട്

ബിനോയ്.പി .ജെ

പാറമേല്‍ വീണ വിത്തല്ലോ

കിളിര്‍ത്തു നില്‍ക്കുന്നു

പുല്ലിന്‍ നാമ്പുകള്‍ നീട്ടി

പരിമിതമായ മണ്ണിനെ കൂട്ടിപ്പിടിച്ച്

ഒരു നീരുറവയെ ഓര്‍ത്തെടുക്കുന്നു.

ചുറ്റുപാടും ആര്‍ത്തു വളരുന്ന പടര്‍പ്പുകളില്‍ നിന്ന് തെറിച്ച

എന്തോ ഒന്ന് അതിലുമുണ്ട്

ഒരു കാറ്റ് അതിനെ വേരോടെ

പിഴുതു എറിഞ്ഞേക്കാംഎങ്കിലും .

പാറയുടെ വിള്ളലുകളിലെവിടെയോ

നനവുള്ള ഒരിടത്തേക്ക് അതൊരു വേരയച്ചിരുന്നു

അതവിടെ എത്തിയോ ?

ഒന്നും പറഞ്ഞുകൂടാ.

പാറമേല്‍ അവന്‍ പണിത വീട്

എന്നതിനെ തിരുത്താമോ ?

അതല്ലാതെ അവനൊരു വീടില്ലല്ലോ.