പച്ചക്കറി

പച്ച, പച്ചക്കറി, ആം(മാങ്ങ /ആമം)
എന്നിവയെക്കുറിച്ച്
വലിയ ചര്‍ച്ചക്കൊടുവില്‍
എല്ലാവര്‍ക്കും മനസ്സിലായി:
പച്ചക്കറിയാമായിരുന്നു
കറിക്കത്തിക്കരിയാമായിരുന്നു
പിക്കാക്സിനറിയാമായിരുന്നു
കഴുതകള്‍ക്കറിയാമായിരുന്നു
തോട്ടികള്‍ക്കറിയാമായിരുന്നു
പണ്ഡിതര്‍ക്കു മാത്രമേ
അറിവിനു മുട്ടുണ്ടായുള്ളു
ബുദ്ധിക്കും മുട്ടുണ്ടായിരുന്നുള്ളൂ
അതാണല്ലോ അവരുടെ ബുദ്ധിമുട്ട്.
ഡഫുമുട്ടുകാര്‍
ബധിരരല്ലെന്ന് മെല്ലനെ
ബുദ്ധിമുട്ടുകാര്‍ക്കു മനസ്സിലായിത്തുടങ്ങി.

ധ്വജഭംഗം

ഏതു ക്ഷേത്രത്തിലുമുള്ള
ആ തൂക്കുമരം
എന്തിനാണു പൊന്നില്‍ പൊതിഞ്ഞു സൂക്ഷിക്കുന്നത്?
യക്ഷികളെയും
പ്രവാചകരെയും വകവരുത്തിയ വകയിലുള്ള
വിഹിതവും
കഴുവേറ്റിക്കല്ലുകള്‍ക്കും വിഗ്രഹങ്ങള്‍ക്കുമൊപ്പം
പൂജാരി കൈപ്പറ്റുമായിരിക്കും.

കാവില്‍ മൂടിയിടപ്പെട്ട നാഗപാതകള്‍
സര്‍പ്പസത്രക്കാരുടെ ഉറക്കം കെടുത്തുന്നു
ജനമേജയനെ ഒരു പാമ്പു തീണ്ടീപോലും!
കാവടികളില്‍ ഏഴാമന്‍ കാവിലേത്
ഏതുവേല വിളക്കിനെ പ്രതി?
പള്ളിപ്പുറത്തുകാവുകള്‍
കഴുവേറ്റിക്കാവുകള്‍
മാനിറച്ചി തിന്നുന്ന
നരസിംഹ യജമാനന്‍റെ
(എന്‍റെ അഘോരി തിരുമനസ്സേ!)
കൊടിമരം പോലെയൊന്നുകൊണ്ട്
വരാഹം ഭൂമിയെ രക്ഷിച്ചു പോലും!
ബ്രഹ്മാവ് മകളെ മടിയിലിരുത്തി
സൃഷ്ടിനടത്തി പോലും!
ആയിരംതലയുള്ള അനന്തതയ്ക്കുമീതെ
വല്യമ്പ്രാന്‍ ചാഞ്ഞുകിടന്നു പോലും!

പാര്‍ശ്വനാഥന്‍ ചിരിച്ചു
തള്ളയെ വെട്ടിക്കൊന്നവനല്ലേ?
ആ തായോളി അതിനപ്പുറം പറയും!.
(അല്‍പം പാലി (പഴയ അസംസ്കൃത ലിപി-)പൊറുക്കുമല്ലോ!).

ID

 

Some times id was considered

To be a bad thing

Always in need to be regulated

And we had our egos

That would do just that.

 It was taken to be meritorious

That we rode rough shod over it

And killed in us the desire for the other

With our egos and super egos

Thinking ourselves to be perfect

And the other

Deficient

All the more

For his love and desires. .

Hatred was easily taken

The will to destroy

Taken for granted

And fratricide

Became the law of the land.

 

The criminal could no more be loved

And had to be taken to his cross

With an abusive crowd throwing stones at him

Because the law forbade it

That there be love.

And people were unwilling

To take him or her

In fraternity

The crime was fixed and charged

And the crosses

Blossomed everywhere

With sons of god

Needled and ridiculed

And hung there

As examples for the world to see.

 

With idols that tried to entrap infinity

In a pettiness coming from myopic arrogance

And promote Caesar or seizure

As an alternative

Everything and everybody

Were to ‘step- well’ and be disciplined

Though the long steps of power

Remained undecipherable

And knots that tried to enslave

Every being appeared

Heaven sent.

 

Dignaga had the stance

Of a shaolin master

Because blows were raining

All around him with hatchet men

Roaming around

And he still wanted to practice his calm

And compassion.

Love was something

That the world had to take to

In its physicality

That made the material meaningful

And id, something to be celebrated

And not to be shooed off.

 

But the masters everywhere

Didn’t want anything to do with id

Because they had to preserve their positions

And because it made bridges

Or bye-ways

Where the world had stopped in its tracks

And caste and creed would be broken

Because love was a better way

And id,

The basic need to connect

To overstep all boundaries

The cradle of the social

To be celebrated.

   

 

കാളിയ മര്‍ദ്ദകനും സ്നേഹമെന്ന പ്രയോഗവും

ബാലഗോകുലം വക
ശോഭായാത്ര കണ്ടുനിന്ന കര്‍ണ്ണന്‍ പറഞ്ഞു:

ഇത്തവണയും പ്ലോട്ടുകള്‍ വേണ്ടത്രയുണ്ട്,
കണ്ണനതില്‍ വിദഗ്ദ്ധനായിരുന്നു താനും.
ചുറ്റുപാടുമുള്ള ആരേയും തമ്മില്‍ തല്ലിക്കാനുള്ള ഒരു പദ്ധതി
മൂപ്പരെന്നും കണ്ടുവെച്ചിരുന്നു
ചരിത്രത്തിലെ ആദ്യത്തെ കരിവേഷക്കാരന്‍ (black face)
കറുപ്പിനെ മൂടുവാന്‍
സ്വയം കരിപൂശിയാടിയ വെളുത്ത സാത്താന്‍
ഏതുദിക്കിലുമുള്ള
ബുദ്ധനെ വേട്ടയാടുവാന്‍ കന്മഴുവുമായി ചുറ്റിനടന്നവന്‍
യദുകുലത്തിലേക്ക് ഒഴുക്കിലൂടെ കടന്നുചെന്നവന്‍
തമ്മില്‍ത്തല്ലുകൊണ്ട് യാദവരെ മുട്ടുകുത്തിച്ചവന്‍
ഒടുവിലവരുടെ തന്നെ അമ്പേറ്റു വീണവന്‍.

പൂതനയിലെ മാതൃത്വത്തെ അറപ്പോടെ തൊഴിച്ചകറ്റിയവന്‍
അപരയുടെ അറിവുകളെ അപകടമായെണ്ണിയവന്‍
ചുരത്തിക്കൊടുത്ത മുലയില്‍ നിന്ന് ചോരയൊഴുക്കി മികവുകാട്ടിയവന്‍.
കുരുകുലത്തിലെത്തി യുദ്ധത്തെ വളംബരം ചെയ്തവന്‍
ഭ്രാതൃഹത്യ സ്വധര്‍മ്മമെന്നു
ജനങ്ങളെ തെറ്റിദ്ധരിപ്പിച്ചവന്‍.

കുന്തിയുടെ മക്കളില്‍ മൂത്തവന്‍ ഞാനായിരുന്നു എന്നത്
എന്‍റെ സഹോദരരും മറന്നു
എനിക്കുകിട്ടിയ അംഗരാജ്യം അവരുടെ കണക്കില്‍ പെട്ടില്ല
വവാഹത്തിന്‍റെ അകംപുറം തിരിച്ച് അവന്‍
എന്നെ സാഹോദര്യത്തില്‍ നിന്നും പുറംതള്ളി
പാണ്ഡുപുത്രരാരും
പാണ്ഡുപുത്രരല്ല എന്നറിയാഞ്ഞല്ല
യാഥാര്‍ത്ഥ്യത്തെക്കാള്‍ പ്രതീതിയെ സ്വീകരിച്ചതു കൊണ്ട്
സീതയെക്കാള്‍ കാഞ്ചനസീതയെ ഇഷ്ടപ്പെട്ടതുകൊണ്ട്
സ്നേഹത്തേക്കാള്‍ യുദ്ധത്തെ പ്രണമിച്ചതുകൊണ്ട്
കുരുക്ഷേത്രത്തില്‍ വീണ ബന്ധുജനങ്ങളുടെ ചോരയ്ക്ക്
ആരുത്തരം തരും?

മകനെ ചതിക്കുവാന്‍ അമ്മയെ കൂട്ടുപിടിക്കുന്ന കുടിലത
ഏതു വ്യാജ വിഗ്രഹത്തിന്‍റേതാണ്?
എന്നിട്ടും സ്നേഹത്തിന്‍റെ അപ്പോസ്തലനായി
കാണപ്പെടുവാന്‍ കഥകള്‍ മെനഞ്ഞ്!
ഗോപസ്ത്രീകളുടെ നാഥനായിച്ചമഞ്ഞ്!

കൃഷ്ണനുണ്ടായിരുന്ന ലീലാവകാശം
മറ്റേതു ഗോകുലബാലനുണ്ടായിരുന്നു?
ഏതു ഗോപസ്ത്രീക്കാണ് അവനെപ്പോലെ
'സ്നേഹിക്കുവാന്‍' അനുവാദം ലഭിച്ചത്?

ബലരാമനും അവന്‍റെ വ്യാജങ്ങളെ സംശയിച്ചിരുന്നു.
അവന്‍ മറ്റാരെയെങ്കിലും സ്നേഹിച്ചിരുന്നു
എന്ന വ്യാജത്തെയുള്‍പ്പെടെ.
അവന്‍റെ ഗീതാപ്രഭാഷണങ്ങളില്‍
വാമനന്‍റെ വഞ്ചന
മൂടപ്പെട്ടു കിടന്നു.

സീതയ്ക്കുപകരം വിഗ്രഹത്തെ സ്ഥാപിച്ചവന്‍
അഹല്യയെ മോചിപ്പിച്ചവനായി വേഷംകെട്ടുന്നതും.
പ്രേമിച്ചകുറ്റത്തിന്
സ്വന്തം അമ്മയെ വെട്ടിക്കൊന്നവന്‍
മഴുവുമായി ഒരു വംശത്തെയൊന്നടങ്കം പിന്‍തുടര്‍ന്നവന്‍
നീതിമാനായി വാഴ്ത്തപ്പെടുന്നതും അറപ്പുളവാക്കുന്നില്ലേ?

ഒളിയമ്പുകാരന്‍, മൂക്കും മുലയുമരിയുന്നവന്‍
ലോകമൊന്നാകെ ചേര്‍ന്നു കടഞ്ഞെടുത്ത
അമൃതം തട്ടിയെടുത്തു കടന്നവന്‍
ലോകത്തെ സംരക്ഷിക്കുന്നവനെന്നു
നടിക്കുന്നു
കാളകൂടംകുടിച്ചു ലോകത്തെ കാത്തവനെ
അന്തകനെന്നു പരിചയപ്പെടുത്തുന്നു,
മാനിനേയോ(Hiran) മഹിഷത്തെയോ
കുടല്‍കീറിയെടുക്കുന്ന നരഭോജിയെ
ആണത്തത്തിന്‍റെ പന്നിപ്പേച്ച് ആഹ്ളാദിപ്പിച്ചേക്കാം-
എന്നാലും കാളിയന്‍, കറുത്തവന്‍
പൂതനയെപ്പോലെ വിഷംതുപ്പുന്നവനെന്ന
ദുഷ്പ്പേരുള്ളവന്‍
നൂറ്റാണ്ടുകളായി അവന്‍റെ വിഴുപ്പു പേറുന്നവന്‍
അവന്‍റെ മലം ചുമക്കാന്‍ വിധിക്കപ്പെട്ടവന്‍
അവനോടീ കൃഷ്ണന്‍ നീതിയേ കാട്ടിയവനായിരുന്നില്ല
എന്നോര്‍ത്തു പറയും-


നീതിമാനല്ലാത്ത ഒരുവനെ നാമെങ്ങിനെ ദൈവമെന്നു വിളിക്കും?
ദൈവത്തില്‍ നീതിയില്ലെന്നും കരുണയില്ലെന്നും കരുതിയാല്‍
വിശ്വാസത്തെക്കൊണ്ട് എന്തു പ്രയോജനം?

വിലക്കുകള്‍

കള്ളുകുടിയനായ ഒരു റിബലിന്
മുലപ്പാലോ റിബ്ബണോ വര്‍ജ്ജ്യമായിരുന്നതു പോലെ
ഭൗതികവാദിയുടെ പറുദീസയില്‍ നിന്നും ദൈവവും വിലക്കപ്പെട്ടിരുന്നു.
മാബലിക്കു സ്വന്തം വാക്കിലുറച്ചു നില്‍ക്കാന്‍
എല്ലാവരുടേതുമായ ഒരു പറുദീസ തന്നെ വലിച്ചെറിയണോ?
മറ്റൊരുവനായി കരുതിവെച്ച വിലക്കുകള്‍
നമ്മെത്തന്നെ വിഴുങ്ങാതെയിരിക്കുവാന്‍
വിലക്കഴിച്ച കനികളുമായി സാത്താന്‍ കാത്തിരുന്നു
ദൈവത്തിന്‍റെ മാറില്‍ പറ്റിച്ചേരുവാന്‍
അവനുമൊരു മോഹം തോന്നിയിരിക്കണം
ഹവ്വയുടെ നഗ്നതയില്‍ ആദം വീണ്ടും മുഴുകി
വിലക്കുകള്‍ തോലഴിഞ്ഞ് നാഗംപടമൂരി
ആണ്‍പാമ്പും പെണ്‍പാമ്പും നിന്നാടണകണ്ട്
മയിലുകളുടെ വിളി
ശിവന്‍റെ പുകയിടങ്ങളെ ശബ്ദമുഖരിതമാക്കി
രാവണന്‍ കള്ളിന്‍ കുടത്തില്‍ പെരുകുന്ന വിരലുകളായി
ഏതുകണ്ഠത്തിനുമിണങ്ങുന്ന പാട്ടുകള്‍
തൊണ്ടയില്‍ തന്നെ മുളപൊട്ടി
കെട്ടുതാലികള്‍ കെട്ടുപോയ്
പെട്ടുപോയ് ഏതും കെട്ടിവയ്ക്കാന്‍ നടന്ന ഋഷീശ്വരര്‍
നല്ലനടപ്പു*വിട്ട് നദികളൊഴുകി
വളര്‍ത്തുമൃഗങ്ങളെന്ന പരിഹാസത്തെ വലിച്ചെറിഞ്ഞ്
ഏതു കോഴിക്കും സ്വയം വളരാമെന്നായി
ഏതു നിറവും തിരിച്ചറിയാമെന്നായി
വാങ്കുവിളികളില്‍ മഴവില്ലുകളിടകലര്‍ന്നു
ഏതുമഴവില്ലിലും തൊടുത്തുവെച്ച
ഒരു വാങ്കുയര്‍ന്നു
ചെറോക്കിയും ചെന്നായയും കുതിരകളും
ആര്യന്‍റെ കുരുക്കുകളഴിച്ച്
മഴയില്‍ നനഞ്ഞാടി
അഴിഞ്ഞാട്ടക്കാരുടെ ഉടലുകളില്‍ പൂക്കാലം വരവറിയിച്ചു
ലക്ഷ്മണന്‍ തന്നെ താന്‍ വരച്ച രേഖകള്‍ മായ്ച്ചു കളഞ്ഞു
സീതമാര്‍ മതിലുകളെ വകവെക്കാത്തവരായിരുന്നുവെന്ന്
ശില്‍പികള്‍ ഊറുന്ന ചിരയോടെ പറഞ്ഞു
സൂസന്നയോടൊത്ത് മയിലുകള്‍ അവയുടെ നീളന്‍ പീലികളുമായി
പറന്നിറങ്ങി
ആണിസത്തിന്‍റെ വരാഹരൂപം പൊടിഞ്ഞു കാറ്റില്‍ പറന്നു
ഉടലുകളില്‍ വസന്തം അതിന്‍റെ വരവറിയിച്ചു.

(Step- well)

ജാതി വാല്‍

സ്വന്തം പേരിനൊപ്പം കിടന്ന ജാതിവാല്‍
ഏതു തിരിയും വിളിച്ചുപറഞ്ഞു തുടങ്ങിയപ്പോഴാണ്
കോമളനും ചിന്മയനും
സ്വയംതിരി എന്ന വിശേഷ(ണ)മറിഞ്ഞത്.
ഓംകാരത്തില്‍ മറഞ്ഞിരുന്ന
څഊംچപിക്കല്‍ വെളിപ്പെട്ടുപോയതിനാല്‍
ജാതിവാലിലെ ചീഞ്ഞുനാറ്റം
ഒളിക്കാനേ കഴിയാതെയായി.

ചേര്‍ത്തലക്കാര്‍ തലയില്‍
ചേറുള്ളവരാണെന്നു പറഞ്ഞിരുന്നവര്‍ക്ക്
വായില്‍ ആദിമമായ ചേറു തികട്ടി
തിരകള്‍ ചേര്‍ന്നലയ്ക്കുന്നതു കേട്ടു കുട്ടികള്‍
കടലിലെ തിരയെണ്ണുവാന്‍ പോയി.
തിരയൊക്കെ തീര്‍ത്തു പട്ടാളക്കാര്‍ യാത്രയായി
ചീഞ്ഞതൊണ്ടു തല്ലിയിരുന്നിരുന്നവര്‍ക്ക്
തല്ലും ചീയലും വ്യക്തമായപ്പോള്‍
പിടച്ചില്‍ നിന്ന വാലില്‍ പിടികിട്ടി.