basic script for la dimbrighoste avec la avante-garde

ലെമുറിയാ

എല്ലാമുറങ്ങുന്ന പറുദീസയാദര്‍ശ
മല്ലാതെയുണ്ടോ മനുജന്നൊരാദര്‍ശം
എല്ലാമതിന്നുള്ളിലുണ്ടായ് വരുംവിധം
ദേവലോകത്തിന്നണയുമോരാദര്‍ശം
സര്‍വ്വര്‍ക്കുമുത്തമം ദൈവീകദര്‍ശനം
ലോകര്‍ക്കു മൊത്തം സുഖകാമസാധ്യമാം
ദര്‍ശനവിചിന്തനസുഖകരദര്‍ശനം
തുല്യത, സനേഹം,  സുതാര്യത, സൗകര്യം
സ്വാതന്ത്ര്യമെല്ലാമതിന്നുള്ളിലുണ്ടതിന്‍
ഭക്തരീ ഞങ്ങളതിന്നാലിന്നള്ളാവെയേറ്റം
തുണച്ചുള്ളോരിസ്ലാമിലേററം സഹജമാം ചോദനയോടും ഉദാരതയോടും സര്‍വ്വഫലസിദ്ധി
സൗകുമാര്യത്തോടും ഉമ്മതന്‍ചുംബനസീല്‍ക്കാര
വാഴ്വുകള്‍ സോദരലീലകള്‍
കേളീകദംബങ്ങള്‍ കസ്തൂരിവാദ്യങ്ങള്‍
മനതാരിലെങ്ങും വിളങ്ങുമുഷാജലം
അച്ചന്‍റെ ലാളനം സുരതാതിവേഗങ്ങള്‍
സന്ദിഗ്ധമുദ്രകള്‍
സ്നിഗ്ദ്ധസമുദ്രങ്ങള്‍ സൗമ്യമസാമ്യങ്ങള്‍
ക്രീഡാപരിണയം ദുര്‍ല്ലഭതാഡനം
ദുര്‍ഗ്ഗാപരിണയം ബുദ്ധാദിചുംബനം
പക്കീഗണങ്ങള്‍ക്കിണങ്ങും ചിറകുകള്‍
ശാമുവേലിന്‍വേലായുധം തൊട്ടുകൂട്ടും
പ്രമാണങ്ങള്‍ ശിബിയിന്‍ നല്‍വാഴ്വുകള്‍
ശലോമോന്‍റെഗീതം, നബീതന്നനാദര്‍ശം
സംഗീതസാന്ദ്രമാമശ്വതീതാരകം
മാളമേതുപാമ്പിന്നുമേകുമതിസുഖം
ഗുരുവിന്‍ മഹാത്ഭുതം കരുണാകരാജ്ഞകള്‍
സലീലംസഗൗരവം പുലരുമാരണ്യകം
കാടകംപുല്കുമുണര്‍വ്വുള്ള ജാഗരം
ശങ്കാരഹിതമാം ജീവിതയാത്രകള്‍
ക്ഷിപ്രകാമനാമേശുവിന്‍ മുഴക്കങ്ങള്‍
സായിയിന്‍ സയിന്‍
സദ്ഗുണദുര്‍ഗുണം
ശരണാഭിവന്ദനം മറിയതന്നാദര്‍ശമെങ്ങും
പുലരും കരുണയാണീക്കടല്‍പ്പാലം
ഉപ്പിന്നുമുപ്പനുമൊപ്പംപുലരുമാ
ചംബകപ്പൂമണം എങ്ങും ബകധ്യാനം
ഹേലീസലാസിതന്‍ ചിജ്ജഡാവന്ദനം
കോരകപ്പൂമ്പുകള്‍ മാതുവിന്‍തായ്മണം
കാവ്യാതിരേകങ്ങള്‍തൊട്ടൂമ്പുമാദര്‍ശം
പൂതനാസാക്ഷ്യമാം സ്നേഹാതിരേകങ്ങള്‍
മാരപ്രതിമകള്‍ മാരീചവാഴ്വുകള്‍
എങ്ങുമുണരുമുടല്‍ജലം
സസ്യസുബദ്ധത
പൊയ്കതോറും വിടരുമുണര്‍വ്വുകള്‍
ചെല്ലക്കിളിക്കുചെല്ലേണ്ടും കളിനിലം
ചേകന്നൂരപ്പന്‍റെ ചേകവവാഴ്ത്തുകള്‍
ചേരുമിടനിലം തെല്ലില്ല പാഴ്ജലം
പോന്നണയും പൊന്‍തളിരുകള്‍
കാര്‍ത്തവീര്യം ജ്വലിക്കുമുടലുകള്‍
നീതിയൊഴിഞ്ഞുള്ളതിന്‍ നിഷേധം
ചുറ്റിക്കളിചേരാത്ത ചുറഅറിക്കളികളും
കരുണമഗാധമാംസൗഹൃദസാന്ത്വനം
മദജലംപേറുമുറവകള്‍
ഉള്ളിലില്ലാക്കടമ്പുകള്‍
വിരിയും വഴിയണഞ്ഞുള്ളാരു താരകള്‍
പുതുഭാഷകള്‍ വഴക്കങ്ങള്‍
ആഴമേറും മനസ്സുകള്‍
സഭാരാജചുംബനം ഗണപതീവാഴ്ത്തുകള്‍
ശിവമയം സംഗീതം മാബലീകേളികള്‍
പിതൃഘടികാരങ്ങളേലിതന്‍ ചാര്‍ത്തുകള്‍
ചാരമില്ലാത്ത ചാരായം
പാര്‍ശ്വനാഥനാമേശുവിന്‍ ലഭ്യത
രുചികരം ഭക്ഷണമുണര്‍വ്വേകും പാനീയ
മനവധിമാര്‍ഗ്ഗിയാംദേശിവിദേശികള്‍
ജോണിന്‍പണിപ്പുരമേലേയണയുന്ന പാമ്പിന്‍
മധുരിമ ചെമ്മീന്‍പറത്തങ്ങള്‍
പെണ്ണിന്നരമന,പൂത്തപൂവാകകള്‍
പാഴ്സിതന്‍ജാലകം
ചേര്‍ന്നുണ്ണുമേവര്‍ക്കും
കാമ്യം കിടപ്പറ
എങ്ങും ചുരത്തുന്നമാറുകള്‍
ചൂരല്‍പ്പനക്കാട്കൊട്ടയാമാദര്‍ശം
സൂര്യകിരണങ്ങള്‍ മേവും രേവാതലം
കര്‍ണ്ണസിദ്ധികള്‍
വാഴും കറുപ്പുകള്‍
ഈശവാസ്യമറിയും കുഞ്ഞാടുകള്‍
പുതുമതന്നൊപ്പംപറക്കും ചിറകുകള്‍
റസൂലിന്‍പടപ്പുകള്‍ക്കേകുമരുളിമ
നിന്നിലുറച്ചപേക്കൂത്തുകള്‍
കുഴല്‍വിളിച്ചെത്തുമോരാദര്‍ശസൂനം
വിടര്‍ന്ന ലെമൂറിയാവിലെ മറിയതന്‍
ചുരത്തും യഹൂദിയാമാര്‍വ്വിടം.