മേരിക്കുണ്ടൊരു കുഞ്ഞാട്

PHOTO: MADHUSOODANAN


മേരിയുടെ കുഞ്ഞാട്
അവളുടെ വസ്ത്രത്തിനിടയിലൂടെ
ആ ദേഹത്തുരുമ്മി
നനവുള്ള മൂക്കാലും
നിറമുള്ള നാക്കാലും
കണ്ണുകളുടെ അപേക്ഷ കൊണ്ടും
തന്നെ എടുത്തുയര്‍ത്തണമേ
എന്നു തോന്നിച്ചു.

അശ്വതി നക്ഷത്രം
മേരിയുടെ കണ്ണുകളില്‍ വിരിഞ്ഞു
മൂക്കുകള്‍ മദംപാടു കൊണ്ടു
ചുണ്ടുകള്‍ പുകഞ്ഞു നീറി
മുലഞെട്ടുകള്‍
മൂടിവെക്കപ്പെട്ട കറുത്ത സൂര്യന്മാരെപ്പോലെ
വസ്ത്രത്തനുള്ളിലെ
വീര്‍പ്പുമുട്ടലറിഞ്ഞു
വികാരങ്ങള്‍ മീനാകൃതികൊണ്ടു
അടിവയറ്റിലൊരു ആമ്പല്‍ പൂവിട്ടു
ചെറുരോമങ്ങള്‍ പോലും കമ്പനം കൊണ്ടു.
ഒരു കുതിര അവളുടെ ഞരമ്പുകളില്‍
കുളമ്പടിച്ചു
ഉടലാകെയിളക്കുന്ന ഒരു മയില്‍
അവളില്‍ പാത്തുമ്മവെച്ചു.
തുറന്ന ചുംബനങ്ങള്‍ക്കായി
അവള്‍ ആടിനെ തന്നോടടുപ്പിച്ചു.
തെരേസയുടെ നിര്‍വൃതി അവളെ
ആകമാനം ഉലച്ചുകൊണ്ടുയര്‍ന്നു.

BERNINI, ECSTASY OF ST.THERESA